Աշնանային խնամքի միջոցներ ընտրելու հարցում «խոնավեցումն» և «սնուցումը» բանալի բառեր են։ Թյուր կարծիք կա, թե յուղոտ մաշկը խոնավեցման կարիք չունի, սակայն, եթե յուղոտ մաշկը բավարար քանակությամբ խոնավեցում չստանա, ապա ճարպագեղձերն է՛լ ավելի ինտենսիվ են դառնում։ Այս ամենն ուղիղ կապ ունի հորմորների, սննդի, սթրեսի հետ, սակայն, խնամքի միջոցները ևս իրենց դերն ունեն։ Օրինակ, եթե օգտագործեք թթուներով հագեցած քսուքներ մաշկը չորացնելու համար, ապա մաշկը կդառնա միաժամանակ չոր և յուղոտ.. այո, դուք ճիշտ կարդացիք, և՛ չոր, և´ յուղոտ, կառաջանա մաշկի թեփոթվածություն, բշտիկներ։

Նման տխուր հետևանքներից խուսափելու համար, պետք է շեշտը դնել ոչ թե մաշկը չորացնելու, այլ խոնավեցնելու վրա։ Յուղոտ մաշկի համար քսուքներն ավելի թեթև տեքստուրա ունեն` տոնիկներ, մուսեր, լոսիոններ, ֆլուիդներ, գել- կրեմներ։ Կարևոր է․ մի՛ անտեսեք, թե ինչ է գրված սրվակի վրա։ Նոր սերնդի խնամքի միջոցներն ավելի հստակ տարբերակում ունեն «յուղոտ և խառը տիպի մաշկի համար» «նորմալ մաշկի, որը հակում ունի յուղոտության» և այլն։

Եթե յուղոտ մաշկի համար խոնավեցնող քսուքները կարևոր են, ապա չոր մաշկի համար խոնավեցնող և սնուցող քսուքներն ուղղակի կենսական նշանակություն ունեն։ Չոր մաշկը հակված է վնասվել անգամ թեթև սառը քամուց, այդ երևույթն անգամ ֆիզիկական ցավ կարող է պատճառել մարդուն։ Չոր մաշկն զգայուն է, անգամ ջրի նկատմամբ։ Սա ևս մեկ պարադոքս է։ Պարզվում է, որ ջուրը չորացնող հատկություն ունի։ Լոգանքից և դեմքը լվանալուց հետո անմիջապես պետք է օգտագործել սնուցող և խոնավեցնող քսուքներ։ Խնամքի միջոցները պետք է լինեն մաքսիմալ օրգանական նյութերից, որոնց մեջ բացակայում են ագրեսիվ բաղադրիչները։ Դեմքը կարելի է մաքրել չոր մաշկի համար նախատեսված փոփկեցնող միցելյար ջրով։

Վիտամին C-ով է հագեցած շիճուկները մեծ մասսայականություն են վայելում։ Զարմանալի չէ, որովհետև այն հիանալի ազդեցություն ունի. այս հակաօքսիդանտը հանգստացնում և վերականգնում է մաշկը, դանդաղեցնում մաշկի վաղաժամ ծերացումը, նպաստում է կոլագենի արտադրմանը։ Սակայն, նման շիճուկներն ունեն նաև հակացուցումներ։ Վիտամին C-ով շիճուկների մի քանի տեսակ կա։ Գնելիս պետք է ուշադիր զննել սրվակը, որպեսզի գտնեք այն տարբերակը, որը ձեր չոր, յուղոտ, նորմալ կամ ալերգիկ մաշկի համար է նախատեսված։

Աշնանային խնամքի կարիք ունի ոչ միայն դեմքի մաշկը, այլև ձեռքերը, վզի հատվածը և շուրթերը։ Ձեռքի կրեմներն անտեսող կանայք կարող են շատ կտրուկ բացահայտել ձեռի վնասվածք մաշկը։ Այն կարող է տխուր և ցավեցնող հետևանքների բերել։ Ձեռքի փոքրիկ կրեմը պայուսակում մեծ տեղ չի գրավում, փոխարենը կօգնի օրվա ընթացքում պաշտպանել ձեռքերը ցրտից։ Նույն հրաշալի ֆունկցիան է կատարում հիգիենիկ շրթներկը` գունավոր կամ անգույն։

Արևի ուլտամանուշակագույն ճառագայթները, միգուցե, այդքան ագրեսիվ չեն աշնանը, սակայն ոչ պակաս վնասակար են։ Բժիշկների կարծիքով արևից պաշտպանվել պետք է ամբողջ տարին` օգտագործելով SPF քսուքներ, իսկ վիտամին D-ի պակասը լրացնել սննդի և հավելումների միջոցով։ Հիանալի տարբերակ է նաև SPF-ով դեկորատիվ կոսմետիկան։

Չմոռանաք, որ յուրաքանչյուրի մաշկի արձագանքն կարող է տարբեր լինել նույն խնամքի միջոցների օգտագործմանը դեպքում: Այն, ինչը մեկի դեպքում իդեալական տարբերակ է, մյուսի համար կարող է լինել վատ փորձ: Մաշկի ցանկացած վատ արձագանքի դեպքում չպետք է զբաղվել ինքնաբուժությամբ և պետք է դիմել փորձառու բժիշկ-մաշկաբանի:

երջին տարիներին մաշկը խնամելու մասնագետների գլխավոր խորհրդներից մեկն է՝ ձեռք բերել օդը խոնավեցնող սարք։ Իրականում, սարքը օգտակար է ոչ միայն աշնանը, այլև տարվա բոլոր եղանակներին։ Այն ունի բազմաթիվ առավելություններ, բայց կենտրոնանանք մաշկի խնամքի վրա։ Սարքը օգտակար է հատկապես ննջասենյակում։ Այն ֆիլտրում է օդը, ստեղծում իդեալական նախապայնաններ գիշերային քնի ու մաշկի հանգստության համար։ Նման սարքերը կարող են որոշել, թե որքան է սենյակի օդն ախտոտված կամ չոր և օդը մաքրելու, խոնավեցնելու իդեալական ծրագիր միացնեն: Սա իսկապես անփոխարինելի գաջեթ է: