Սիրահարների տոնին ընդառաջ, Դալմայի թիմը որոշել է օգնության հասնել բոլոր սիրող սրտերին և հեշտացնել նրանց գործը։ Ուսումնասիրելով մոլում ներկայացված բոլոր բրենդերը` առանձնացրել ենք յուրօրինակ նվերներ տարբեր գնային սեգմենտներում, որոնք կպատմեն Ձեր ամենակարևոր զգացմունքների մասին։ Լինի դա կրքոտ սիրահարվածություն, երկար տարիների ջերմ և հիմնային սեր, թե նորաստեղծ համակրանք՝ այս նվերներից յուրաքանչյուրը կջերմացնի Ձեր սիրելիի սիրտն ու կապահովի վալենտինյան տրամադրություն։
10.02.2025
ՆՎԵՐՆԵՐԻ ՈՒՂԵՑՈՒՅՑ ՅՈՒՐԱՔԱՆՉՅՈՒՐ ՍԻՐՈ ՊԱՏՄՈՒԹՅԱՆ ՀԱՄԱՐ
Լավագույն նվերը՝ միասին անցկացրած ժամանակն է
Թեև վալենտինյան տարբերվող նվեր գտնելը կարևոր է, եկեք համաձայնենք, որ ամենաթանկը միասին ստեղծած պահերն են, իսկ Դալմա Գարդեն Մոլն առաջարկում է նման ջերմ հիշողություններ ստեղծելու բազմաթիվ տարբերակներ։
Ամենաակնհայտ ընտրությունը, բնականաբար, Սինեմա Սթարում որևէ հետաքրքիր ֆիլմ դիտելն է։ Մեկ այլ տարբերակ է անցկացնել երեկոն բոուլինգի սրահում (անդադար ծիծաղն ու առողջ մրցակցային մթնոլորտն ապահովված են)։ Անկեղծ զրույցների և սիրո խոստովանությունների համար ամենահամապատասխան վայրը The Brunch սրճարանն է՝ իր յուրօրինակ ճաշացանկով և համեղագույն դեսերտներով։ Չմոռանաք նաև մի պահ կանգ առնել մեր ֆոտոզոներից որևէ մեկի մոտ, ընտրել Ձեր ցանկալի ֆոնը և անմահացնել այս կարևոր օրը։
Հատուկ նվերներ` սրտի թելադրանքով (30,000-50,000 դրամ)
Միջին գնային սեգմենտում ոճն ու զգացմունքները կատարյալ ներդաշնակության մեջ են։ Օրինակ՝ Charles & Keith-ի փոքր, բայց բազմաֆունկցիոնալ պայուսակները հիանալի նվերի տարբերակ են յուրաքանչյուր կնոջ համար, քանի որ համադրելի են ցանկացած ոճի և տրամադրության հետ։ Ավելի ռոմանտիկ անձնավորությունների համար, Pandora-ն առաջարկում է անհատականացնել Ձեր նվերը՝ ընտրելով չարմեր կամ կուլոն իրենց հավաքածուից և դրանց վրա փորագրելով սրտում եղած ամենակարևոր խոսքերը։
Ասում են աչքերը հոգու հայելիներն են և այս համատեքստում Iris-ը առաջարկում է նվիրելու արվեստի նոր մակարդակ՝ վերածելով Ձեր աչքերի լուսանկարները գեղեցիկ զարդերի կամ արվեստի գործերի (սկսած 25,000 դրամից):
Մեկ այլ տարբերակ է վերցնել Ձեր սիրելիին և ուղեվորվել դեպի Lumiere Optics՝ ամենագեղեցիկ արևային ակնոցի հետևից։ Վերջինս այս ցուցակի երևի թե ամենաոճային, բայց և կիրառելի նվերը կլինի։Այստեղ կգտնեք դիզայներական ակնոցներ և՛ կանանց, և՛ տղամարդկանց համար, իսկ համատեղ գնումների փորձառությունը կդարձնի այս օրը էլ ավելի հիշարժան։ Եթե նման պրակտիկ նվերների գաղափարը Ձեր սրտով է, ուրեմն Դալմայում հասանելի սպորտային խանութները ևս պետք է լինեն Ձեր ուշադրության կենտրոնում. լավ առիթ է որևէ համատեղ սովորություն ստեղծելու համար, օրինակ առավոտյան միասին վազելու կամ լողավազան հաճախելու։
Փոքր ուշադրության նշաններ (10,000-25,000 դրամ)
Մեծ սերը կարող է արտահայտվել ամենափոքր, նուրբ, բայց և հիշարժան նվերներով։Մեր կողմից առանձնացված մատչելի ընտրանին ապացույց է, որ իմաստալից նվերները պարտադիր չէ, որ թանկ լինեն։
The Body Shop-ի մուտքի մոտ տեղադրված ցուցանակն ասում է՝ սերը նվեր է։ Եվ իրոք, բայց երբ փորձում ես նրանց փոքրից լոգանքի պարագաների և մարմնի լոսյոնների սեթերը, հատկապես եթե դրանք նվեր ես ստացել քո սիրելիից, հասկանում ես, որ սերը նաև խնամքի մեջ է։ Այս նույն տրամաբանությամբ՝ L'occitane բրենդից գնված նույնիսկ ամենափոքր ձեռքի քսուկը (հատկապես եթե այն բրենդի հանրահայտ նուշային շարքից է) ևս կխոսի Ձեր հոգատարության և նվիրվածության մասին։
Բոլոր երազողների համար Penbox-ի «Փոքրիկ իշխան» թեմայով Moleskine բլոկնոտը կստեղծի կատարյալ տարածք սիրո նամակների, բանաստեղծությունների կամ քաղցր հուշերը գրի առնելու համար։
Մեկ ուրիշ լավ տարբերակ է Egoiste խանութում ներկայացված Մոռելատտո բրենդի տարատեսակ զարդերը, օրինակ պողպատյա սրտերը, որոնք, ինչպես և իրական սերը, պատրաստ են դիմակայել ժամանակի բոլոր փորձություններին։
Շքեղություն սիրո լեզվով (60,000+ դրամ)
Այս բաժինը նրանց համար է, ովքեր հավատում են, որ զգացմունքները պետք է արտահայտել շքեղ նվերների տեսքով։ Pregomesh-ը տոնում է հավերժական սերը իր սրտերի հավաքածուով՝ առաջարկելով և՛ նուրբ փոքր, և՛ տպավորիչ մեծ սրտեր։
Մենք նրանց հետ համամիտ ենք՝ երբեմն սերը պետք է հավերժացնել ազնիվ մետաղների տեսքով և կրել սրտին մաքսիմալ մոտ։
Բացի այդ, Pregomesh-ի պրեմիում որակի կաշվե գոտիները շքեղ տարբերակ են յուրաքանչյուր ոճային ջենթլմենի համար։
Եթե այնուամենայնիվ Ձեր նախապատվությունը տալիս եք որևէ յուրօրինակ օծանելիքի, Rouge-ում կարող եք բացահայտել Tom Ford-ի Electric Cherry-ն՝ համարձակ յունիսեքս բույր ՝վալենտինյան կատարյալ բալագույն և բորդո երանգների սրվակով, ստեղծված այն զույգերի համար, ովքեր իրենք են գրում իրենց սիրո կանոնները։ Մեկ այլ տարբերակ է Gucci-ի փոքր նվերային սեթը՝ ծաղկային թեմատիկայով և գարնանային բույրով։
Եթե այնուհանդերձ դժվարանում եք ընտրություն կատարել, Դալմայի նվեր քարտը կատարյալ լուծում է, որը թույլ կտա Ձեր սիրելիին անձամբ ընտրել իր նվերը մեր խանութների և բրենդների լայն ընտրանուց։ Քանի որ նվերի ներկայացումը հրաշքի մի մասն է, առաջարկում ենք նաև կանգ առնել մեր փաթեթավորման տաղավարի մոտ և վերջնական տեսք տալ Ձեր նվերին։