Henderson-ը ծնվեց հետխորհրդային առաջին՝ շատ խառը, դժվարություններով, բայց նաև հնարավորություններով լի տարիներին։ 1993 թվականն էր, Հայաստանը դեռ շրջափակման մեջ էր, իսկ Ռուսաստանում ձևավորում էր նոր՝ շուկայական տնտեսությունը։ Ռուբեն Հարությունյանը սկսեց փոքր քայլերից՝ ամենօրյա հագուստ ու խաղալիքներ ներկրելով: Որոշ ժամանակ անց ներկայացվեցին Henderson պիտակով առաջին վերնաշապիկները։ Ընդամենը մի տասնամյակ անց Henderson սրահների ցանցն արժանացավ ազգային «ՏԱՐՎԱ ԲՐԵՆԴ / EFFIE 2006» մրցանակին՝ «հագուստ, կոշիկ, աքսեսուարներ» անվանակարգում։ 2006 թվականին ընկերությունն ուներ ավելի քան 350 աշխատակից, խանութների ցանց, որոնք ակտիվ գործունեություն էին ծավալում Ռուսաստանի 9 քաղաքներում։ Արդյունքում Henderson-ը ներառվեց Ռուսաստանի լավագույն բրենդների ցանկում՝ մրցանակի արժանանալով հաջողակ ռուսական բրենդ ստեղծելու, արդյունաբերության զարգացման և հասարակությանը նպաստելու համար։ Հաջորդ տարի Henderson-ի ցանցն արդեն 46 սրահ ուներ 17 խոշոր քաղաքներում: Ընկերությունը շարունակում էր ընդլայնվել ու հաջողություններ գրանցել։

2017-ին HENDERSON նորաձևության տունը ներկայացրեց անհատական կարի բացառիկ ծառայությունը՝ Su Misura-ն։ Այժմ հաճախորդները կարող էին վստահ լինել, որ, անկախ կազմվածքի յուրահատկություններից, HENDERSON նորաձևության տունը կստեղծի կատարյալ վերնաշապիկ, կոստյում, պիջակ, ինչպես նաև բաճկոն 28 օրվա ընթացքում։ Ավելին, հաճախորդին հնարավորություն ընձեռվեց ընտրելու Իտալիայի և Մեծ Բրիտանիայի լավագույն գործարաններից ներկայացված ավելի քան 10,000 կտորներից և ստեղծելու սեփական մենահատուկ համադրությունը: Այս հեղափոխական նախաձեռնությանը հաջորդեց 2019 թվականի HENDERSON Su Misura Donna ծառայությունը կանանց համար՝ վերնաշապիկների անհատական կարի պատվեր 13 տեսակի օձիքների, 25 տեսակի մանժետների և ավելի քան 1000 պրեմիում դասի կտորների ընտրության հնարավորությամբ: Իսկ համագործակցելով հայաստանյան Nairian լաբորատորիայի հետ՝ HENDERSON նորաձևության տունը վերջերս նաև ստեղծեց բնական բաղադրիչներով և էկոլոգիապես մաքուր խնամքի միջոցներ տղամարդկանց համար։

HENDERSON-ը միշտ ընդգծել է իր սոցիալական պատասխանատվության դերը։ 2020-ին բրենդը նախաձեռնեց «Պոլո հանուն բժիշկների» արշավը՝ համագործակցելով «Կամավոր բժիշկներ» շարժման հետ և աջակցելով առողջապահության ոլորտի աշխատակիցներին։ «Երկրորդ շունչ» հիմնադրամի հետ համագործակցության արդյունքում անցկացվեցին հագուստի հավաքագրման արշավներ, որոնց նպատակը հագուստի վերամշակումն ու բարեգործությունն էին:

Դեռ 2010 թվականին բրենդը դարձավ Ռուսաստանի հոկեյի ֆեդերացիայի պաշտոնական գործընկերը. հենց այս հագուստն էին կրում ազգային հավաքականի մարզիկները: HENDERSON-ը համագործակցեց նաև ռուսական ամենասիրված ֆուտբոլային ակումբներից մեկի՝ Մոսկվայի «Սպարտակի» ակումբի հետ՝ ստեղծելով ֆուտբոլիստների համար բացառիկ հավաքածու։

HENDERSON-ը կարևորում է արվեստի և գեղագիտության ընկալումն իր հավաքածուներում: 2019-ին բրենդի գովազդային արշավները նկարահանվեցին Ռուսաստանի առանցքային թանգարաններում՝ Մոսկվայի Մուլտիմեդիա Արտ թանգարանում, Պուշկինի անվան Գեղարվեստի թանգարանում, Ռուսական թանգարանում։ Ավելին, HENDERSON նորաձևության տունը կազմակերպում է անվճար էքսկուրսիաներ իր հավաքածուների նկարահանման վայրերով։ Ընդհանրապես, HENDERSON բրենդը վաղուց է ասոցացվում մշակութային միջոցառումների հետ։ Ջութակահար Կարեն Շահգալդյանի և «Արամ Խաչատրյան» տրիոյի շրջագայությունների պաշտոնական գործընկեր, լեգենդար դերասան Ալեն Դելոնի՝ մոսկովյան այց ու Armenia Music Awards մրցանակաբաշխություն, մաեստրո Վլադիմիր Սպիվակովի ղեկավարած «Մոսկվայի վիրտուոզներ» պետական նվագախմբի, հայտնի դերասան Կոնստանտին Խաբենսկու և հումորիստ Գարիկ Մարտիրոսյանի հետ համագործակցություն, մաեստրո Միշել Լեգրանի մոսկովյան համերգ՝ այս շարքը դեռ երկար կարելի է շարունակել:

Այս ֆոնին, իհարկե, առանձնանում են բրենդի հարաբերությունները Շառլ Ազնավուրի ժառանգության հետ։ Այն հիշարժան հանդիպման ազդեցությունը նկատելի է նույնիսկ այսօր՝ շանսոնյեի մահից մի քանի տարի անց։ 2024-ին HENDERSON նորաձևության տունը հայտարարեց «Շառլ Ազնավուր» բարեգործական հիմնադրամի հետ համագործակցության մասին՝ Ազնավուրի 100-ամյակի տոնակատարությունների շրջանակում։

2022-ը կարևոր էր HENDERSON-ի համար. նորաձևության տունը դուրս եկավ միջազգային շուկա՝ բացելով երկու սրահ Երևանում։ Բրենդը ներկայացված է նաև Դալմա Գարդեն Մոլում: HENDERSON-ը շարունակում է աճել՝ վերազինվելով նորարար տեխնոլոգիաների առաջարկած թրենդներով և ընդլայնելով թվային հարթակները։ Մասնավորապես, բրենդը գործարկել է HENDERSON բջջային հավելված՝ հաճախորդներին ավելի հարմարավետ ծառայություններ առաջարկելու համար։