Այս շողացող ու համարձակ կերպարն իդեալական է նրանց համար, ովքեր ցանկանում են դառնալ երեկոյի ամենավառ մասնակիցն ու լինել բոլորի ուշադրության կենտրոնում։
Հագուստ / Մինի կիսաշրջազգեստ (կամ զգեստ) և պայետներով շողշողացող կոֆտա կամ բլուզ՝ զարդարված փայլիկներով, ինչպես նաև բյուրեղներով կոլգոտ և ծնկից բարձր կոշիկներ։ Իսկ եթե պատրաստվում եք այս լուքով հյուր գնալ, ապա դրսի համար սպիտակ մուշտակ ընտրեք։

Նուրբ ծաղիկներով տպագրությունները կամ ապլիկացիաները կօգնեն ստեղծել ռոմանտիկ և նուրբ կերպար։
Հագուստ / Ծաղկային դետալները կարելի է համադրել դասական գույների հետ, օրինակ՝ սև, սպիտակ կամ կարմիր։ Կերպարը կարող է ներառել երկար զգեստ կամ կիսաշրջազգեստ՝ ծաղկային նախշերով։ Աքսեսուարներ / Նուրբ ոսկյա կամ արծաթյա զարդեր։

Այս կերպարն առանձնանում է կանաչի և ջունգլիների տարրերով, որոնք խելամիտ ներդաշնակություն են ստեղծում քաղաքային ոճի հետ։
Հագուստ / Կանաչ բլուզ՝ զարդարված կենդանական պրինտերով կամ էկզոտիկ մանրամասներով, մինի փեշ կամ միդի կիսաշրջազգեստ՝ գինեգույն փայլիկներով։
Աքսեսուարներ / Մորթյա կամ լայնեզր գլխարկ, որը լուքին հմայք կավելացնի։

Կանաչը եկող՝ 2025 թվականի գույնն է. այն հարգանքի տուրք է Փայտե օձի խորհրդանիշին։ Ձիթապտղի գույնը հանգիստ և էլեգանտ տեսք է հաղորդում։ Այս գույնը հատկապես հիանալի տեսք ունի թավշյա գործվածքներում՝ հաղորդելով նրբագեղություն։ Ընտրեք ձիթապտղի գույնի զգեստ կամ կոստյում ընտանեկան կամ պաշտոնական երեկոյի համար։
Հագուստ / Ձիթապտղի կամ զմրուխտի գույնի համադրված զգեստներ, կոստյումներ, տոպեր և այլն, որն իր մեջ համադրում է բնականությունն ու շքեղությունը։ Աքսեսուարներ / Ոսկեգույն աքսեսուարներ՝ շեշտադրելու կանաչի խորությունը։

Զմրուխտը ներկայացնում է կայունություն և շքեղություն։ Այս գույնը համադրվում է ոսկեգույն աքսեսուարների հետ և իդեալական է շքեղ շիֆոնե կամ ատլասե զգեստների համար։
Վառ կանաչ շեշտադրումներ / Վառ կանաչի երանգներով դետալները կենդանություն են հաղորդում կերպարին։ Ականջօղեր, ձիթապտղի գույնի ձեռքի պայուսակ կամ բնական տարրերով զարդերը կարող են լինել գերազանց ընտրություն։

Շիմմեր և գլիտեր՝ աչքերի ու այտոսկրերի համար։ Փայլուն մանրունքները շարունակում են ուշադրություն գրավել, և այս տարի գլիտերը կարելի է կիրառել ոչ միայն կոպերին, այլև աչքերի անկյուններին՝ ստեղծելով տոնական և խորհրդավոր էֆեկտ։
Խիզախ գույներ շուրթերին՝ հատապտղային և գինու երանգների։ Այս տարվա տոնական երեկույթի համար այսպիսի երանգներով շուրթերին կհաղորդեք շքեղության էֆեկտ։Ընդգծված հոնքեր և այտերի թեթև կարմրություն։ Բնական, բայց խնամված հոնքերը մնում են կարևոր շեշտադրումներից։ Թեթև կարմրությունն այտերին թարմություն կհաղորդի դեմքին։

Սմոքինգը միշտ հանդիսավոր է՝ հատկապես Ամանորի գիշերը։
Հագուստ / Սև սմոքինգ, սպիտակ վերնաշապիկ և վառ գույնի փողկապ։ Միանշանակ դասական կոշիկներ։Աքսեսուարներ / Ժամացույց՝ մինիմալիստական դիզայնով։

Թավշյա գործվածքը տղամարդկանց հագուստում ստեղծում է էլեգանտության ու փափկության զգացողություն։
Հագուստ / Թավշյա բաճկոն՝ խորը գույներով (օրինակ՝ մուգ կանաչ, բորդո կամ կապույտ), սև կամ մոխրագույն տաբատ և նշված գույների կոշիկներ։ Աքսեսուարներ / Թեթև շղթա կամ բնական կաշվե ռեմենից ժամացույց։