Օծանելիքները կարելի է տեսականորեն տեսակավորել՝ գարնանային և աշնանային, արևելյան կամ ծանր և այլն: Բայց այս դասակարգումները մեծամասամբ խիստ պայմանական են: Առաջին հերթին պետք է ոչ թե նման հատկանիշները հաշվի առնել, այլ ինքներդ ձեզ հարցնել՝ ի՞նչ բույր կցանկանաք, ի՞նչ կուզենայիք այդ բույրը հիշեցնի, արդյո՞ք կարոտել եք արդեն ձմեռային տոները, կամ ուզո՞ւմ եք ձեր բույրը նման լինի գարնանային ծաղիկներին, թե՞ ամառային աձակուրդներին տրամադրվել: Օրինակ, վերջին դեպքում ձեր ցանկությունները կարող են ձեզ տանել դեպի Թոմ Ֆորդի «Պոզիտանոյի արևը», երբ պարֆյումերն ակնհայտ ցանկացել է իտալական արձակուրդների տրամադրությունը փոխանցել: Թեև նման բույրերի անունները կարող են շատ ամառային թվալ, սակայն ոչ մեկ չի կարող ձեզ արգելել ցիտրուսային բույրերն օգտագործել նաև ձմռանը: Նարինջի և մանդարինը կարող է նաև ամանորյա տրամադրության փոխանցել: Ինչպես տեսնում եք՝ օծանելիքի բույրերի ամառային-ձմեռային բաժանումը չի կարող հստակ լինել, այստեղ գլխավորը ձեր տրամադրությունն է:

Օծանելիքի ակորդները բաղկացած են լինում վերին, միջին և հիմնային նոտաներից: Վերին նոտան օծանելիքի առաջին զգացած բույրն է, իսկ հիմնային բույրը զգացվում է օծանելիքը ցանելուց որոշ ժամանակ անց: Եթե այս ամենը ձեզ բարդ է թվում, ապա կենտրոնացեք այն բույրի վրա, որը դուք սիրում եք առօրյայում ձեր շուրջը` սուրճի, սև թեյի, համեմունքի` դարչին, կոճապղպեղ, կամ փայտի: Եվ ըստ ձեր նախասիրության, ընտրեք հենց այն մեկ բույրը, որն ամենաշատն է ձեզ գրավում, օրինակ YSL Black Opium-ի հիմնային բույրերից մեկը սուրճն է:Այսինքն, սկզբում փնտրեք ինչ բույր կուզենայիք, ինքներդ կազմեք ձեր երևակայական փունջն, այնուհետև ձեր պատկերացրածը փնտրեք խանութում: Հավատացեք, օծանելիքների ահռելի ընրության մեջ ձեր սրտի համընկնումն անպայման կգտնեք:

Բնականաբար, վերևում շված բոլոր խորհուրդները կարող են կիրառվել ոչ միայն կանացի օծանելիք ընտրելիս, այլև տղամարդկանց համար: Ոչ բոլորը, բայց շատ տղամարդիկ օծանելիքի հարցում կայունություն են նախընտրում, ավելի դժվարությամբ են հրաժարվում իրենց հին օծանելիքից և նոր բան փորձում: Հետևաբար նրանց համար միգուցե ավելի հարմար կլինի այնպիսի բույրեր ընտրել, որոնց կլինեն ունիվերսալ` ջրային կամ ցիտրուսային երանգների մեջ: Հետաքրքիր բաժին է տղամարդկանց օծանելիքների ցանկում նաև սպորտային օծանելիքները, որոնք ակտիվ առօրյա ունեցող տղամարդկանց իդեալական կլինեն: Տղամարդկանց օծանելիքի ավելի հագեցած ` կաշվե, փայտյա, ծաղկային-թութունի բույրերն ավելի հարմար են երեկոյան օգտագործման համար: