Մենք երանելի ժամանակաշրջանում ենք ապրում, դե.. գոնե նորաձևության առումով: Եթե նախորդ տասնամյակներում կար, օրինակ, տաբատի մեկ նորաձև տարբերակ, ապա բոլորս պարտադրված հագնում էինք միայն այդ մոդելը: Եվ դա երկու պատճառով. Նախ, խանութներում միայն այդ մեկ ձևն էր լինում, այլընտրանք գրեթե չկար, և երկրորդ ` բա ամոթ չի՞, բոլորը նույնն են հագնում, ես ինչպե՞ս տարբերվեմ մյուսներից:
Հիմա այդպես չի: Հիմա կանայք և աղջիկները շատ են ձգտում տարբերվել ոճով, ընդգծել իրենց եզակիությունը և դա իսկապես հրաշալի մոտեցում է:
Բնականաբար, նորաձևությունն անմասն չի մնում թրենդներից: Ինչպես նախորդ տարի, այս տարի կրկին գերակշռում է 2000-ականները, զուգահեռ` 60-ականների թեթև երանգով: Հետաքրքիր և նոր մեկնաբանում են ստացել հեռավոր անցյալում մեզ ծանոթ մոդելները: Առաջարկվող տեսականու առումով փոխվել է հենց այն, ինչ սկզբում ասեցինք` չկան սահմանափակումներ: Եթե դուք չեք կարոտել, չեք սիրում Y2K ոճը, ապա Դալմա Մոլի հագուստի բազմաթիվ բուտիկներում կարող եք թրենդայինի կողքին գտնել նաև ձեր յուրահատուկ ոճին համապատասխան հագուստ: Իսկ մենք նորաձև տարբերակների հետ մեկտեղ կառաջարկենք նաև այլընտրանքային մոդելներ:
Կարգո
Թերևս գարնան գլխավոր թրենդային տաբատը կարգոն է: Լայն, ազատ, ծնկների մոտ գրպաններով ( որտեղ մենք 2000-ականներին պահում էինք մեր բացվող բջջայինը.. դե որովհետև այդպես ապահով էր ), տաբատն իսկական գտածո էր ուսանողի համար:
Կարգո տաբատների բազմաթիվ տարբերակներ կան՝ լայն, ուղիղ, ցածր գոտկատեղով, ջինսային, կաշվե և այլն: Միևնույն ժամանակ մի տեղ չեն հեռացել դասական ուղիղ տաբատները, ոչ շատ լայն` պալացցո տաբատը, և անգամ սպորտային ջոգգերներն են իրենց տեղում: Օրիգինալ կարգոն 1930-ականներին արտադրվող զինվորական հագուստ է եղել, սակայն հիմա բառը լայն կիրառում ունի, և կան անգամ կարգո կիսաշրջազգեստներ:
Կիսաշրջազգեստներ
Օ՜, կիսաշրջազգեստի հարցում լրիվ ջեք-փոթ է աղջիկներ: Նորաձև են միանգամից երեք երկարության կիսաշրջազգեստներ ` մինի, միդի և մաքսի: Վերջապե՛ս, յուրաքանչյուրիս ճաշակով և ցանկությամբ:
Իհարկե այստեղ կառանձնացնենք վառ այտահայտված թրենդը` մաքսի տարբերակը ( նաև զգեստների դեպքում) և ի դեպ, շատ համադրելի են նման երկարության կիսաշրջազգեստները: Համադրություններ ստեղծելու համար, որպես ներշնչանք, կարող եք նայել Գվինեթ Փելթրոուի 1990-ականներին վերջի լուքերը, որտեղ գերակշռում են հենց մաքսի կիսաշրջազգեստները:
Մեր նոր կարգախոսը` թափանցիկություն
Թվում է, թե այս մի թրենդը կարող է մնալ ամսագրերի էջերում, այն դժվար թե ադապտացվի հայկական իրականությանը, բայց առաջարկում ենք նախ չդառնալ կարծրատիպերի գերի, և վստահեցնում, որ նոր` 2023- ի թափանցիկ բլուզների թրենդը ոչ մի առնչություն չունի վուլգարության հետ, հատկապես ցանց-բլուզ տարբերակները, որոնց տակից կարելի է տոպ-բրա հագնել: Թափանցիկ հագուստի մեկ այլ տարբերակ է գիփյուռից մոդելները: Գիփյուռն երբեք դուրս չի գալիս ակտուալ հագուստների ցանկից, բայց այս տարի, շեշտը դրված է հենց Y2K ոճի գիփյուռից բլուզների վրա:
Զուգահեռ շարունակում են ակտուալ մնալ նաև քառակուսի բացվածքով բլուզները, cut-out և մետաքսյա վերնաշապիկները:
Դենիմ
Ամեն տարի ասում ենք, որ դենիմը շատ նորաձև է ( և դա նորմալ է, դենիմը միշտ է նորաձև) բայց այս տարի իսկապես-իսկապես դենիմի եռակի չափաբաժին է: Մենք հեչ էլ դեմ չենք: Ջինսե տաբատներն մեր կյանքի անբաժանելի մասին են:
Կրկին վերադարձ 2000-ականներից` բագգի լայն և ցածր գոտկատեղով տաբատները, ջինսե մաքսի կիսաշրջազգեստներ, ջինսե տոպեր, պայուսակներ, կոշիկներ, վերնաշապիկներ .. ջինսն երբեք շատ չի կարող լինել : Գունաբացված ( օ, մենք վարյոնկա էինք ասում) ջինսերն այս տարի բոլոր հավաքածուներում կա: Բայց, եթե պատրաստ չեք ոճի նման կտրուկ փոփոխության, ապա մոմ ֆիթ, ուղիղ ձևածքով ջինսերն պահարանիբազային տարբերակներ են:
Պրինտ
Չկա գարուն առանց ծաղիկների և ծաղկավոր պրինտի: Վերջին մի քանի տարիներին չի եղել ոչ մի հավաքածու առանց ծաղկավոր պրինտի: Մենք, իհարկե, շատ սիրում ենք հատկապես դաշտային ծաղիկներով պրինտը, բայց վերջապես այլըտրանք կա: Այժմ ավելի ու ավելի շատ ենք հանդիպում երկրաչափական պրինտով զգեստներ և բլուզներ: Դրանք նոր են, թարմ միտք են բերում նորաձևություն և շատ հետաքրքիր լուծումներով են:
Տարվա գույները
Նախորդ տարվա գլխավոր գույնը սևն էր: Սևն այդքան հեշտ չի զիջի իր դիրքերը նաև այս տարի: Այն բազային, համար և ապահով գույն է, բայց այս տարի խորհուրդ կտանք ուշադրություն դարձնել մոխրագույնին: Տաբատների, գարնանային վերակուների, սվիտրների և պիջակների տեսքով այս գույնն ավելի օրիգինալ և հետաքրքիր է համադրվում վառ գույների հետ, քան նույն սևը:
Գույներից կարող ենք նաև առանձնացնել Pantone հայտարարած տարվա գույն` Viva Magenta հագեցած մորագույնը: Այն վառ կոնտրաստային գույն է, որը կարող ենք համադրել սպիտակի բոլոր երանգների հետ:
Թույլ տվեք մի քիչ էլ սենտիմենտալ լինել, անկախ նրանից, թե ինչպիսի հագուստ կընտրեք, դիմավորեք գարունը նոր հույսերով, նոր` անհավանական պլաններով և լայն ժպիտով :